1
Nyaun ngelonon alap atai,
...Tiap kemuap ngusa' sungkai;
Tanda’ endo alap atai,
Peberai sampai ela ni matai.
2
Amun keniro senukat niukur,
Budi bi endo antapno luhur;
Janji kami nia’kan kufur,
Nerimo nikmat kurniaan asy-syakur.
3
Endo gangau nedio suur,
Kiti maang masam kukur;
Endo teko musim ujur,
Kiti petelikut kurang sukur.
4
Kaum hawa harus penuji,
Nia’ kiro male’ nia’ kiro lati;
Sensaung kemuap io pan mapi,
A no tanda’ni sayang engkiti
Nyaun ngelonon alap atai,
...Tiap kemuap ngusa' sungkai;
Tanda’ endo alap atai,
Peberai sampai ela ni matai.
2
Amun keniro senukat niukur,
Budi bi endo antapno luhur;
Janji kami nia’kan kufur,
Nerimo nikmat kurniaan asy-syakur.
3
Endo gangau nedio suur,
Kiti maang masam kukur;
Endo teko musim ujur,
Kiti petelikut kurang sukur.
4
Kaum hawa harus penuji,
Nia’ kiro male’ nia’ kiro lati;
Sensaung kemuap io pan mapi,
A no tanda’ni sayang engkiti
5
Syukur selasai ari keduo,
Berkat budi bangan endo;
Atai alap niaun bemeruko,
Niuan sebab mendo duo. .
6
Kasih endo nia' tebagi,
Momon kerjoon sempurna selasai;
Niaun ngula niaun nagi,
Sensaung kemuap pandai ngusai.
7
Syukur alhamdulillah rejiki sungkai,
Terimo kasih endo ngelakai;
Natap temban endiam tengkatai.
Santak ngemban endo penakai,
8
Buan Poso muat berati,
Alap reso ni mekala ruti;
Amun endo ingot engkiti,
Mule’ meruma’ sanang atai ti.
9
Muau parai enjata tembara',
Pipit pekepa enjata parai;
Isi atai nia no tebara',
Pekam peliak nia pandai rungai.
10
Pipit pekepa' enjata' parai,
Parai Melinja sanang kinetu;
Kasih ta’ endo nia pandai rungai,
Doko’ permoto nilontok batu.
11
Parai Melinja sanang kenetu,
Abis kenetu' binuat bubur;
Amun nuut reso atai tu,
Teko matai dikau' kubur.
